Agualoca Films
Kunsthochschule Kassel
Frontera Sur
Conxiencia
Rem Cine
Santo Tomás
Hessen Film
Raconto Cine
Goethe-Institut

Kimelfal



Dominio Vigente (Petu Ngünenewün) ngütxamentuy Carlos Kinderman tañi nampitxeka küpan wallmapumu kiñe epuñchike küpan ngechi wingka suizo ngelu ka Chileno ngelu. Femngechi küpay llewpayalu tañi elelngerpuel chi mapu, kiñe fütxa wüzamün mapu, kizu fey müna upa llewney tañi mapu tañi pepi matukel fenzefemam. Welu kizu, fey tañi rume kutxankülen ngümel tañi zungu ñochingey tañi rangiñ konün epuñpüle keyñetuwün zungu mew. Kiñeñpüle pu wingka tañi rakizuamün wezakafemken ta fillke mongen engün chemngepe rume, müleyelu ta mapu mew, ka kañpüle mapuche rakizuamün tañi ingkañpe mapuken, tañi yamkefiel ta itxofill mongen ta müleyelu ta mapu mew femngechi tañi kümeleam tañi mongen.



TXAFKÜKAN

Tüfachi zungu petu witxañpüramfyiñ re tayiñ pepil txapumkayal ta ran, femngechi fey müleyechi pu che zuampiyekelu ta tüfachi kuyfike küpan azüwün zungu ka ngünezuamtukunielu tañi wezakamekengen ta mapu fey engün tañi pepi kelluam. Femngechi fey kañpüle kintuliyiñ tayiñ kellungeal tüfachi zungu mu, müte kizu ngnewelayafuyiñ tayiñ chumngechi nentuafiel ta tüfachi pelontun küzaw ka müte feyentungewelayafuyiñ feymu fey ta famngechi kintukawayiñ zoy pileyiñ.

Agualocafilms

"Emi upa kelluntukufulmi tañi zewmangeal ta tüfachi pengeltuwün küzaw, welu fill zungu tañi zuam mew pepilüwnoalmi tami kelluntukual ran mew, zunguno welu kelluafuymi kilchenmu tañi zewmamekengen ta tüfachi küzaw, femngechi fey zoy alün che kimafuy tañi mülen, eymi zoy alüke nielmi wenüykan pu che fill kimüwpeyem mew, zew kimnieymi chumngechi tami kelluntukual".

Tati pelontun

Dominio Vigente (Petu Ngünenewün) pingechi tüfachi pelontun zungu zewmangey tañi pengelngeam chumngechi tañi petu amulen ta yafkawün ta pu wingka yegu ta pu mapuche, feytachi yafkawün kuyfingey tañi küpalen, pu winka akukalu engün müten ngangentuku fempayngün tañi zungu yengün, femngechi tañi pepi ñongümafiel ta pu mapuche, müleyelu ta tüfachi “ñongümpenoel chi mapu mew”. Femngechi llemay tüfachi zungu petu pepi azüwlay, mülenonmu ta yamüwün ka pu wingka tañi fanentukenofiel ta kake kimün yengün, pu mapuche llemay fey ta fanentupelu tañi mapu yengün, tañi ko, tañi mawiza, tañi wingkul ka kom tañi itxofill mongen müleyelu mapu mew, feymu fey txürtulay ta feychi mapuche rakizuam ta wingka tañi rakizuam engu, kizuengün kay ta pu wingka wewal müten ta nielu tañi rakizuam mew yengün, feymu fey ta apumkafemkefingün ta fill chemkün ta müleyelu ta mapu mew re tañi zoy ngülümam tañi kulliñma.


Tüfachi küzaw ta zewmangey tañi zoy rakizuamafum ta fill pu che, chumngechi tañi ingkañpe ngefel tañi montuam ta müleyechi fillke kimün, fillke azüwün ka fillke pelotun fantepu ta zew epeke ñamküleyelu.

Juan Mora Cid

Tati zewmalu

Juan Mora Cid, concepción waria ta tuwi, choyüpay mapu mew (1983). Pepilüwi pengeltun küzawün mew ka kim ngüney azüwün küzaw ta cine mew chillkatumey ta Kunsthochsule Kassel mu, Alemania mapu. Tañi miawmum ta kakeñpüle mapupüle küzawmamekekefi tañi zoy küme azümafiem ta pengeltun ka wirintukun küzaw femngechi tañi küme ngüneafiel ta azkünu zungun. Kuan fewla ta zew mufu txipantungey tañi küzawmameken ta tüfachi zungu petu ngünenewün pingelu, kizu tañi küzawmawe mew Wez-wezko Films mew, chew tañi tukulpafiel chumlen ta yafkawün ta pu chileno yegu ta pu mapuche, chumngechi tañi txürnonmu ta epu kintun fey tañi amun ta tüfachi yafkanewün, ka femngechi tañi pelotufalnon tañi chumngechi tañi afafel ta tüfachi zungu.

Agualocafilms

Upa zunguchelmün tüfamu ta müleyiñ tati


Kunoldstraße 3, 34131 Kassel Alemania
hola@dominiovigente.com

Mari mari